Hymns from the Paris Breviary for Sundays after the Epiphany Octave - Night Office

Fac, Christe nostri gratia,

Defuncte tot laboribus

Ut mente grata, sic piis

Hos prædicari cantibus.

Castæ parentis in sinu

Inclusus ardebas pati:

Æternus ut discas mori,

Mortale corpus induis.

Vix natus, imbellis puer,

Acuta sentis frigora;

En vile pro molli thoro

Fœnum tibi supponitur.

Amore te facis reum:

Fers sponte pœnas innocens;

Nec eximis te legibus,

Supremus ipse legifer.

Qui primus excisa cruor

E parte stillat corporis,

Membris micans ex omnibus,

Torrentis instar proruit.

Qui mucro lactentes necat,

Idem tuum pectus fodit,

Et quo cadebant parvuli,

Hoc tu cadebas vulnere.

Exul Deus prompta fuga

Tuæ saluti consulis;

Intras Pharon verax Deus,

Mistus Diis mendacibus.

Qui natus es de Virgine,

Jesu, tibi sit gloria

Cum Patre, cumque Spiritu,

In sempiterna secula.

Fragment of a medieval frieze depicting the Flight into Egypt, from St Mary’s Abbey, York, now in the Yorkshire Museum